പാവറട്ടി: പ്രസിദ്ധമായ പാവറട്ടി പള്ളി തിരുനാൾ സംസ്ഥാന ടൂറിസം കലണ്ടറിൽ ഉൾപ്പെടുത്തുമെന്നു മന്ത്രി കെ. രാജൻ. തിരുനാളിന്റെ സുഗമമായ നടത്തിപ്പിനായി എല്ലാ സർക്കാർ വകുപ്പുകളെയും ഏകോപിപ്പിച്ച് കണ്ട്രോൾ റൂം തുറക്കാനും തീരുമാനമായി. തിരുനാളുമായി ബന്ധപ്പെട്ടു മന്ത്രിയുടെ നേതൃത്വത്തിൽ പാവറട്ടി പള്ളിഹാളിൽ ചേർന്ന യോഗത്തിലാണ് തീരുമാനം.
കുടിവെള്ള വിതരണത്തിനു തടസമുണ്ടാകാതിരിക്കാൻ വേണ്ട നടപടികൾ സ്വീകരിക്കാൻ പിഡബ്ല്യുഡി, വാട്ടർ അഥോറിറ്റി തുടങ്ങി യ വകുപ്പുകൾക്കു മന്ത്രി നിർദേശം നൽകി. ട്രാഫിക് ബ്ലോക്ക് ഒഴിവാക്കാനുള്ള മുൻകരുതൽ സ്വീകരിക്കുന്നതിനു പോലീസിനു പ്രത്യേക നിർദേശം നൽകി. തിരുനാൾ സംബന്ധിച്ച് കൂടുതൽ നിർദേശങ്ങളും അറിയിപ്പുകളും ജില്ലാ കളക്ടർ തുടർദിവസങ്ങളിൽ നൽകുമെന്നും മന്ത്രി പറഞ്ഞു. മുരളി പെരുനെല്ലി എംഎൽഎ, ചാവക്കാട് തഹസിൽദാർ ടി.കെ. ഷാജി,
പഞ്ചായത്ത് പ്രസിഡന്റ് സിന്ധു അനിൽകുമാർ, സിഐ എം.കെ. രമേശ്, എസ്ഐ സി.എം. രതീഷ്, വികാരി ഫാ. ജോണ്സണ് ഐനിക്കൽ എന്നിവർ പങ്കെടുത്തു.
0 Comments
Please Enter Your Comment